La serade benon, la salute dal Knulp e je picinine ma e jere plene, ancje cualchidun impins, il public une vore cualificât: a jerin scuasi ducj int che e saveve une vore di robis plui di me, che o jeri li a presentâ un pôc il libri cun altris coautôrs!!!! (ma a son stâts ninins e no mi àn fat fâ brute figure)

Sandri

O confermi, une biele serade cun tante int interessade e une vore cidine a scoltâ. Al pareve no volê plui lâ vie: la storiche Marina Rossi, che presentave il libri, ae fin e à dite "Jô o voi a cjase se vualtris o volês restâ ancjemò..." . Nissun dai scoltadôrs al pareve vê voie di lâ vie...

Nissun di chei di Bora.la al pâr jessi stâts presints...
Dopo vê dit di dut sul libri sul blog bora.la, no àn mostrât la muse....

Roberta

Mi dismenteâvi: il dibatit al è stât une vore interessant. Domandis ben fatis e tant interes pal teme.
Un dibatit une vore civil e biel.

Roberta

mah!

io continui a cjatâ chestis dicusions su situazions ormai passadis une storicizazion dai problemis e un demandâ al passât problemis dal di di vué.
venastai une evidente incapacitât di frontâ seriamentri la realtât contemporanie.

oramai e van ben al pari di un dibatit sul ses dai agnui.

ds

Ds, mi pâr plui che evident che no tu âs nancje vût il libri in man.

Dentri si fevele ancje dal tratin gjavât vie tra Friûl e Vignesie Julie; si fevele dal vin furlan vendût "indicazione geografica tipica Venezia Giulia"; Licio De Clara al presente un articul su lis cjartis gjeografichis in dì di vuê; e v.i.

Dute robe dal passât o di dì di vuê? Juste criticâ, vê ancje une opinion negative dal libri. Ma prime al sarès just leilu....

Roberta

Cjare Roberta,
ven ancje a gurize a presentâlu che o vin bisugne, nô furlans circondâts dai isontins, slovens e bisiacs che al samê che nus vuelis scjafoiâ o metinus intun cjanton, ma jo o sai che i furlans di gurize a son une vore orgoiôs di jessi furlans e di fevelâ par furlan, propite inte presentazion di eroi friulani, popolo friulano a è storia, comentât di docents de universitât di ts, cualchidun al à vût il coragjo di protestâ parcè che nol jere nissun de universitât di udin, insome pussibil che e jere dome rapresentade la universitât di ts insieme a docents di dute europe e udin nuie?
isa

O ai cirût su bora.la ma no ai cjatât propit nuie.

boh

isa nus contitu alc di plui su la cunvigne "eroi friulani" par plasê?
PS: dispès fûr de provincie di Udin a son plui braurôs di jessi furlans e soredut di rivendicâlu. Cun buine pâs dal MV e altris che a cirin di imponi l'idee che PN e GO no sedin in Friûl.

#7 al è par chest che tai post... a si metin i link!!! (frache chel, che tu cjatis)

roberta,

dai coments, di chel che tu mi scrivis e v.i. mi samee che no mi coventi lei chest libri parcé che a son robis bielzà cognossudis, baste informâsi.
ancje chest blog al à tratât di chescj problemis.

o consideri insensât continuâ a dineâ une realtât ormai acuistade (e, o ti ricuardi, inventade di chel stéss che al à intivât i ladins: graziadio isaia ascoli. demonizino ancje lui?).
continuâ a storicizâ un probleme par me al vâl tant che sbati il cjâf cuintri un mûr.

realisticamentri al saréss miôr frontâlu dant des motivazions che lu sminuissi.
par esempli, demotivant i viticultôrs a doprâ la denominazion venezia giulia fûr dal ambit.

cussì si crés, roberta.

ds

Ds,
scuse, ma mi pâr che ti coventi lei il libri: pardabon cjale che al è interessant (no feveli pal gno piçul contribût che in efiets al è banâl, ma che al coventave par completece e che al puarte vie dome 4 pagjinis) e si cjatin dentri informazions e interpretazions che ti garantìs che no si cjatin ator pardut.
Dopo se tu disis che al baste informâsi, cheste e je une maniere di informâ.
Mandi.

Sandri

Altre robe simpri par DS: la realtât acuiside par me e je avonde mistereose: tu disis di sburtâ a doprâ la denominazion cence lâ fûr dal sô ambit, ma cuâl isal il so ambit?
Une carateristiche de "Venezia Giulia" e je chê di no vê mai vût une delimitazion precise: dulà finissial l'ambit de "Venezia Giulia"?
Mandi.

Sandri

sandri,

chest al é un probleme pulitic che no si definis cui vajums ma cun tratativis.
che pritindin pês e contignûts clârs.

che no àn nuje a ce viodi cu la storie ma cu la atualitât.
se un viticoltôr di dolegne mi met la denominazion vignesie julie al fâs une scelte di cunvignince no teritoriâl.

continuant a sbrocâsi sul passât e a sintîsi dai "perseguitâts" no si va di nissune bande.
si cjape une direzion nome co o si varà dât un sens al viticoltôr par che no meti sui la etichete la denominazion vignesie julie.
ma chest a ripet des strategjis pal friûl e pal furlan che no son mai - e o ripet MAI - stadis frontadis seriamentri.
ca e funzione miôr il vajum che e tapone l'incompetence.
e o ti rimandi al indecent decalic pre eletorâl.

ds

ps: o spieti un atac a graziadio isaia ascoli. o isal fûr dal ambit?

Ds, cjale, fâmi il plasê lei il libri.
No tu puedis fevelâ cence vêlu let.
La cuestion dal vin IGT Vignesie Julie e je une cuestion juridiche e no di libere sielte dai viticultôrs.....

Cjale....ti rimborsi il presi dal libri, ma leilu par plasê prime di comentâ a slàs...e lu dîs cence tristerie, ma cun stime parcè che o sai che ancje tu tu i tegnis al Friûl.

mandi
Roberta

vaiums?
No mi pâr propit che tal libri si 'nd cjati... dut câs prime di fevelâ di une robe al sarès simpri miôr cjalâle...
Cun di plui che il fin dal libri nol è chel di dineâ propit nuie, forsit il contrari, ven a stâi chel di fâ cressi lis cognossincis de int su cuale che e je la storie de nestre regjon. Di dute la regjon. Magari cussì no ma la plui part de int e cognòs pardabon pôc la storie de sô tiere.
Ma al è naturâl che si à ancje di vê voie di cognossi...

F.

nol sarà migo ancjemò cualchidun daûr a tabaja di "trattino" o mancul ? veso timp di butâ vie ? casomai tabajait se lassà Venezia Giulia o mancul ma dal tratin par plasè, al è timp strassât. Mandi Luca

DS,
su Graziadio Isaia Ascoli: un al pues jessi la plui brave e la plui grande persone dal mont, e fâ alc di mâl e di sbaliât istès. Nol è che dut ce che al à fat par fuarce Ascoli si vedi di santificâ.
In ogni câs jo no fâs nissun atac a Ascoli, e no 'nd è nancje tal libri di bande dai diviers autôrs, ma e je une analisi serie di ce che al è sucedût.
Cumò o feveli par gno cont e no come autôr dal libri:
1 - Ascoli al à inventât la "Venezia Giulia" par ciertis resons storichis, e par altri dopo al à lassât di doprâ chest tiermin. (tornant al libri cjale l'articul di Donato Toffoli)
2 - Ascoli nol à inventât i Ladins, ma ju à individuâts come grup linguistic. E je une cierte diference tra une invenzion e une scuvierte.
Mandi.

Sandri

Luca, une domande che e somee stupide, ma par me e je interessante: ce ise la Venezia Giulia? Cuâl isal il teritori che par te al vâl la pene di tabaiâ par lassâ o no?
(No je une provocazion, la mancjance totâl di delimitazion de Venezia Giulia e fâs in maniere che al sedi un ostacul politic une vore dificil di individuâ: in realtât e je tante int che, come DS, e pense che e sedi une realtât acuiside e impussibile di mopdificâ, ma no je cussì. La Venezia Giulia di fat no je une "no realtât" acuiside: no esist tal concret, ma come concet si è lassade e si lasse doprâ dal nazionalisim talian).

Sandri

par sandri

o ài fevelât di intivâ no inventât: ma sastu il furlan?

par chei che fevelin de necessitât di une cierte storie e lu doprin a monevie par vaî il muart:
co il maesti tal 35 (se no fali, o voi a memorie) al à inventadis lis regjions d'italie al à mitût il mandament di puart sote di vignesie al à fate une monade (no la sole).
ore si puart, san michêl e v.I. a intindin di passâ sote dal friûl nol é par rimediâ a un sbaljo (podevin fâlu timp indaûr) ma par interéss economic doprant la storie e la culture tant che clâf di oportunitât.

cheste e je la realtât che conte: dâ des motivazions claris che, podopo e se al covente, a cjataràn te storie la lôr justificazion.
che no à nuje a viodi cui vajums tant che la vignesie julie.

in chest al sta il faliment dai "furlaniscj": vê continuât a cjalâ nome indaûr parcé no in grât di viodi no disi il devant, ma nenacje lâ che son.
e in lôr sta il faliment dal progjet friûl.

ds

A fassis masse seghis si devente vuarps, (ancje mental).

Al par che il probleme al sedi chel dal cartografo che scrivint sule cjartine Friuli Venezia Giulia par traviers nol sa dula meti el tratin par pore che el segno al tocj le sensibilitat dai no-tav che lu volevin un tic plui in ju :-)



Ma ce cagade logjco-storiche ise?

Ma nancje el Inno di mameli nol ere l'inno uficial ITalian no?

ds,
scuse, o sai il furlan (plui o mancul) ma o soi un tic dislessic: in ogni câs il resonament che o ai metût in 17 al reste bon. No si pues meti sul stes nivel Ladins e Venezia Giulia e nol è nuie di santificât, nancje Ascoli.
Mandi.

Sandri

brao 20 la venezia giulia e je par da bon une cagade logjico storiche
cemut astu fat a capilu cussì svelt?

Par ds,
"a son robis che si san"?
Mah... forsit fra chei che scrivin cumò tai coments, come che o vin plui o mancul une infarinadure di storie dal Friûl. Il fat al è che il 95% dai furlans no lis sa (ne une ne le atre). E cumò ancje a Triest a si fasin cualchi domande.

Par gno cont il pont al è se il libri al è fat ben (ancje se al fevele dal passât), se al à une buine distribuzion, se al si fâs une buine campagne stampe par cognossilu. Di robis che nô o savìn e che la int no sa, massime dal passât, a 'nd saressin di contâ, che no si finìs plui. E bisugne tacâ a fâlu ben.
Ovvio, contalis in maniere moderne, no vaiote, cu la smire di dâi grande difusion.

Pes soluzions tu âs reson a dî «par esempli, demotivant i viticultôrs a doprâ la denominazion venezia giulia fûr dal ambit.»
Ma ancje demotivâ i trombons dal Venezia Giulia disint che e je une cagade al jude, come che si viôt di trop che si son sustâts a TS.
Chel e chel a puedin viazâ insiemit: cui che al sa fâ "cuintristorie" al fasi chê, cui che al sa fâ la promozion che le fasi.

dree,

tu stâs semplificant masse.
intune situazion socjâl e reâl tant che la nestre o cjati unevore pôc interessante la discuisizion su la vignesie julie (tant che su lis regjions italianis) e l'informative a la fin al à plui de curiositât storiche che no altri.

al è tant che gjavâ fûr il patriarcjât e v.i.
son situazions ladis.

i nestris problemis a son di comedalis e/o doprtalis a la miôr par no e, in chest câs e je la promozion che e vâl. la cuintristorie pol jessi un aiût che si zonte. nuje altri.
il fat al é che, disgraziatamentri, l'ûs de cuintristorie al dovente un paliatîf pe incapacitât di frontâ le storie e che in masse a àn miôr di cjalâ a cheste plui che a comedâ la realtât.

che i triestin a stedin discuisint (viodût ancje il tipo di discussion: no propositive ma ancje je storicistiche) mi lasse dal dut indiferent e no mi tocje parcé che no lu viôt di nissun aiût pratic.

ds

Questa la lista dei 24 giocatori convocati da Roberto Donadoni, ct dell'Italia, per il raduno di domenica 25 maggio a Coverciano, in vista della preparazione a Euro 2008 Portieri: Gianluigi Buffon (Juventus), Marco Amelia (Livorno), Morgan De Sanctis (Siviglia). Difensori: Cristian Panucci (Roma), Fabio Cannavaro (Real Madrid), Andrea Barzagli (Palermo), Marco Materazzi (Inter), Fabio Grosso (Olympique Lione), Gianluca Zambrotta (Barcellona), Giorgio Chiellini (Juventus). Centrocampisti: Rino Gattuso, Andrea Pirlo, Massimo Ambrosini (Milan), Daniele De Rossi, Simone Perrotta, Alberto Aquilani (Roma), Mauro German Camoranesi (Juventus), Riccardo Montolivo (Fiorentina). Attaccanti: Luca Toni (Bayern Monaco), Marco Borriello (Genoa), Antonio Di Natale, Fabio Quagliarella (Udinese), Alessandro Del Piero (Juventus), Antonio Cassano (Sampdoria) Gli azzurri si ritroveranno domenica 25, entro le ore 12, a Coverciano. Il 28 maggio sara' consegnata all'Uefa la lista definitiva dei 23 Dopo l'amichevole del 30 a Firenze contro il Belgio, gli azzurri avranno due giorni di riposo, nella serata di domenica 1° giugno il nuovo raduno a Milano e il giorno dopo la partenza per il ritiro austriaco di Baden. Esordio azzurro contro l'Olanda, il 9 giugno a Berna. (ANSA) GRN

la vignezie giulie une colonie de serenissime qoncuistade a da so legjion straniere VG fur di ballis

jioibe 22 film sard cence censure al visionari in sard

blog pola lingua su internazionalitari i blogs galizians an vut une buine idee lait a iodi atis notizies de francie e catalunie

28 blogues pola lingua blogaliza,org

Ds,
no mi pâr propite che o stoi semplificant. Tu âs reson se l'ûs de cuintristorie al dovente un paliatîf pe incapacitât di frontâ le storie, ma se doprade in maniere juste e covente parcè che bisugne savê ancjue di dulà che o vegnin par savê dulà lâ, un discors parfin banâl.
I vûl chel e chel: il probleme al è fâlu ben, il famôs discors su la cualitât che tu i tegnis justamenti tant.
Meti in discussion il concet di Venezia Giulia al è un aiût che si zonte. Un aiût ancje pratic, viodût che lu doprin praticamentri i lôr sostegnidôrs par cirî - par esempli - di gjavâ Gurizze dal Friûl. Come un concet che si sta cirint di sburtâ di cheatre bande a ovest: il "naonialisim".

25 e chi se ne fraga italie buuuuuuuuuuuuh

Sandri ti doi reson, forsit no si sin intindûts ben. par capîsi: tratin o mancul ce che nol à di sei e je Venezia Giulia e coretamentri Zorz Jus ae presentazion dal libri a Coder al diseve... le regjon casomai claminle Friûl e Triest.mandi

Dree, gracie de recension fate su LA PATRIE. Biele e ben fate.

Tu che tu âs il libri....prove a contâi a DS ce che o vin scrit dentri....

maman e grazionis
Roberta

#33 merit dal recensôr ;-)

par ds... po ben, bisugne usâsi a la sô critiche se si fâs alc: e je une sigurece come la ploe a Friuli doc :-D

Lis robis che no esistin si cancelin, e la Vignesie Julie NO ESIST!

27 el 22 o vares mior un film hard, magari in sart

31 ocjo che ITalo ti cjale!

AnzIT ti ten di voli!

Cert che al è fantastic. Nuie di ce che si cîr di fâ par DS al va ben.
No dome nol à let il libri ma vonde un coment par capî che nol servive pierdi timp a scrivi su la Vignesie Julie...

O propon di brusâ ducj i libris di storie, e ancje lis facoltâts universitariis di Storie Moderne....

Ma par plasê....

dree,

il discors su la vignesie julie al merete (e al à meretât) dai articui.
no un libri.
chest al é la base dal concet.
ni tant di mancul un libri pajât cu la disgraciade 482 (o speri che nol sedi chest câs ma o stoi immò spietant une rispueste su metix babel felix...)

merite articui e intervents pulitics.
che tra l'altri a cjataràn plui atenzion di un libri che al vendarà pôc tant che chist.

se no rivìn a capî chestis robis di fonde o continuarìn a operâ sul ses dai agnui no su ce che al é ormai esistent cu la conseguence che no varìn une prospetive fudure clare.
praticamentri ce che a stan fasint i triestins di bora.la.

par chest jo o contesti chestis iniziativis. parcé che no son utilis a di nissun e costin gjavant fonts a intervents plui utii (va be che no mi samee che andi sedin tancj par cui il pecjât al é veniâl).

no dome: a dan l'ilusion a une cjerte "intelighentia" di jessi impuartante (un libri nol é un articul...) co, invecit, semplicementri a fâs de cronache che no ten cont dal esistent e partant no pol jessi propositive.

al é dibant meti in discussion la vignesie julie (tant che il naonalisim o i comuni del livenza.
plui inteligjent frontâ il probleme in maniere pratiche.

o ti citi gaudì: "la modernitât e je la capacitât di ripensâ la storie" no dome di contâle.

ds

dree,

o ti disarai di plui.
cheste semplificazion e je la stesse che a fâs sì che un moment propositîf impuartant se ripensât pe nestre socjetât tant chje il 3 di avrîl, al doventi simpri plui une rievocazion storiche tant che chês di palme, di cormôns e v. i.

o vin bisugne di altri.

ds

Ds, ma sino fûr?
Cemût fasistu dome a butâ la ipotesi che chescj libris a sedin finanziâts cu la 482 se no tu ju âs nancje cjapâts in man???
Cjale che al baste lei daûr de cuvierte dal libri par viodi se al è finanziât o no: invezit di fâ il profete tal desert, fâs un salt in librarie o in biblioteche. Ni Metix Babel Felix ni Venezia Giulia La Regione Inventata no àn vût nancje un franc di finanziament di nissun.
Tu cite Gaudí, jo o citi l'anonim 38: "Ma par plasê..."
mandi.

Sandri

a mi samea che a ds gi da sol fastidi di no iesi ta intelighenzia, e cusì al dis di dut amanul par entrà ta stupidenzia. si sa po, l'important a l'è fassi jodi: sa no lu sa lui cal lavora di chel...

ds, un libri a nol pregjudiche un articul di gjornal...semai il contrari!!
soredut un che al lei l'articul e al ul aprofondì, cemut fasial se nol esist nancje un libri?

Pal diretôr,
o soi stade vinars dopomisdì a è storia a Gurize, sot dal tendon a sintì la cunvigne eroi friulani, popolo friulano...a jerin un gjornalist dal mv e trê docents de universitât di ts a fevelâ di menocchio, zanon e altris emigrants dai prins dal '900 che de miserie si son riscatâts e cuant che a son tornâts in patrie i paisans no ju cognossevin plui o a son stâts cancelâts de cercjie dai amiis parcè che nema profeta in patria al vâl plui pai furlans che pai altris emigrants...ma vignìn ai intervents dal public, numerôs, ancje zovins e int in pîts, nissune recension sui gjornâi (mv in primis) ni su la rai regjonâl, (erika jazbar corispondente rai par Gurize atente a no nomenâ mai il friuli e i furlans ma cuant che si trate dai slovens.....) e di fat il public al è intervignût e cualchidun al à fat presint che no je presinte la universitât dal Friûl no dome tes variis cunvignis dai trê dîs ma nancje ta cheste che e fevelave propite di furlans...les rispuestis a son stadis di bande di un dai docents che al è di Cjasarse...che lui nol olse fevelâ al sô furlan par no lâ cuintri des tes critichis di chei che a son cuintri la varietât di Cjasarse (????? no le ai capide nancje jo), al secont nol à rispuindût e il tierç al à dite di jessi furlan e di fevelâ furlan ancje se al è de universitât di ts e che nol à nissun probleme a lavorâ ta chê universitât, al gjornalist dal mv al à rispuindût che bisugne domandâ al comun di Gurize che al è l'organizadôr, jo o ai dite che almancul par furlan si podarès scomençâ l'intervent se chel che lu fâs al è furlan, une professoresse di Gurize e à dite che ca a Gurize si fevele ancjemò trê o cuatri lenghis e che e je une citadine plurilengâl e vierte a dutis lis culturis e che no bisugne sierâsi (???), batiman dal public pai intervents e sodisfazion pal argoment tratât
mandi isa

scusait o soi simpri jo,
o domandi un post (al diretôr) su lis elezions dal gnûf retôr de nestre universitât...un biel argoment di tancj, tantissims intervents se si lu fasès
isa

Mi visi di une iniziative de Academie dal Friûl di scuasit 15 agns indaûr:
"Erois par un popul" metude sù di pôcs zovins cun nissune risorse economiche e organizative ma cun cualchi idee che e je lade indevant (almancul in cualchi câs). A jerin vignudis fûr dôs bielis ricercjis su Marc di Morùs, ultin puartebandiere patriarcjâl decapitât dai venezians (ricercje fate, mi pâr, di Carli Pup, Marc Just e Albert Travain, ma se cualchidun si vise miôr che mi corezi) e su Rotgaut, ultin duche langobart dal Friûl (ricercje di Sandri Carrozzo, publicade ancje te Comugne). Cun ducj i limits, o disarès une vore miôr di chestis iniziativis che a nassin cun mentalitât sotane.

Sandri

par snadri

une editorie su argoments locâi e cence un respîr almancul nazionâl (no un autôr che al si publiche un libri) si sosten o cui sponsors o cui intervents publics (regjon, bibliotechis, ents, CCIAA...) parcé che il marcjât al é masse limitât e une stampe e coste e nenacje il mus al môf la code dibant.

plui che lâ a cirî daûr de cuviertine, al laréss cirût tal belanç.
e lu disi cence tristerie parcé che l'editorie no tire e o cognòss lis dificoltâts dal setôr.

dutcâs la to ingjenuitât ti fâs onôr...

ce che continue a no vê rispueste e je la necessitât di libris (che no vendaràn...) tant che chest.
o continui a ritignî plui utii i articui cun buine pas dal confusionari n. 43

ds

La situazion de editorie e je comune e cognossude, e vâl pai libris di ducj, ancje pai tiei. Su chest libri o fâs dome dôs piçulis precisazions.
Il respîr dal libri nol è locâl (e nancje nazionâl par gno cont, che o ai une cierte idee de nazion) ma talian (baste lei lis primis 4 riis de prefazion): par altri Alessandra Kersevan, la editore, juste la dì che o presentavin il libri a Triest e jere a pene tornade di Rome li che e veve fevelât dai argoments, locâi, dai confins orientâi di Italie , cuntun grant public di students de La Sapienza.
Se tu âs voie di cirî tai belançs va e domande a Alessandra, che tu le cognossis: no stâ a doprâ chescj argoments par fâ fâ brute figure a un libri che nancje no tu âs let.
Mandi.

Sandri

Cjâr DS,
cemût ti permetitu di scrivi che chest libri al è stât finanziât cui bêçs de Leç 482? E intun blog dulà che a lein ducj?
Âstu voie di jessi cuerelât?

O tu la finissis o voie da un avocat.

Roberta

O domandi in vie formâl al gjestôr dal blog IL FURLANIST, di scancelâ i coments dulà che si insinue che chest libri al è stât finanziât cui bêçs de leç 482. Un deliri che se non finis subite, al al finis dret intune cuerele.

R. Michieli

ds ce fastu di qualchi articulut cal svuale se daur nol'è un lavor pui aprofondit?
par chei altris, sumosù no mi samee il cas di querelà nisun par chestis menadis da ostarie, soredut ds che al si rimpine sui specjos

nr.51

Butâ fûr gnovis "inventadis" suntun Blog - dulà che a lein ducj - come che al fâs DS, dome par screditâ un libri che nol à nancje cjapât in man, e je une robe une vore grave e pesante. Lis sôs insinuazions a son di cuerele. Che al critichi pûr il libri inte sôs struture o su chel che al dîs, ma che nol si permeti di scrivi che al è stât finanziât cun contribûts publics. Une volte butade fûr cheste vôs e pues ancje jessi cjapade par buine.

E une cuerele no je gjave nissun.
R.Michieli

51 lasse stà cuereles e robes dal gjenar, a ridin sôl cuaccuaraccuà.
ds a tu âs tuart. i libris a servin "cuasit" simpri e sa son fas cence bês publics a van simpri ben.
al'è savè dopraju cal'è dificil.
pense a chel libri lì tas scueles insieme a une cuintristorie dal Friûl complete, e i professors prons a discute cui nestris zovins la nestre storie. Tròs vias che pre Antoni al diseve "a mancjn libris..a mancjn libris de nestre storie, ca conti la storie de nestre bande, de bande da la int, e a mancjn professors ca la insegnin...".
Eco, a mancjn professors e libris e cence chei e chei ai furlans si tòl l'anime.
J

La informazion falade di Ds (pur fate in forme dubitative, ma e je) e je stade abondantementri smentide tai coments subit seguitîfs e se al ves di coventâ o confermi e o ribadìs ancje jo che il libri nol è finanziât dai contribûts de 482: e je une iniziative editoriâl privade e ogni editôr al publiche chel che i pâr.

Pe censure domandade: no ai mai censurât nissun e no lu fâs nancje cumò, tra l'altri lis smentidis a son ben claris e imediadis. Al plui o pues scancelâ un coment su richieste dal autôr, lu fâs par educazion. Segont me lassâ dut al ven ben ai "nemîs" di DS che al piert avonde di credibilitât...
Par me al è avonde.
Oviamentri se si vûl cuerelâ l'autôr dal blog, faseit pur.

Grazie Dree,
plui che vonde cussì.
maman
Roberta

orpo.

o ài mancjât di scrivi la peraule "magari" devanta a "cu la leç 482".

e di chest o domandi scuse e o soi pront a pajâ lis conseguencis.

scrivi di corse (e cun rabie) mi fâs cumbina di chestis robis.


pal rest, un al pol dî ce che al ûl ma i conts a son chei.

mitin che un ( o il, decideit vualtris) libri al vendi 100 copiis (i j lu auguri).
almancul miez presit di cuviertine al va al distribudôr, 4% a van in tassis. cul rest a si pae il grafic e la fotocomposizion. mancje la stampe e la legatorie.
plui al é il just vuadagn dal editôr (almancul un minm).
alc si oten dal macero.
chest cence pajâ i autôrs.

conseguence: un editôr nol vîf cence intervent public (o un sponsor o butant fûr di sachete sô)

un libri tant che chest al varéss vût plui spazi di leture tant che articul o mitût su internet (jo lu ài fat cul "insium": o ài pierdût vuadagn ma o ài vüts cetancj letôrs che mai. il libri mi lu soi pajât di sachetre mê e cun sponsor)

continue ancje a restâmi il dubi di continuâ a tamesâ su la vignesie julie.

o torni a domandâ scuse pe falope de leç 482.

ds

Pe siore Roberta: la sô ingjenuitât i fâs onôr. O e fâs ridi. Tancj di chei che a stan rispuindint in chest blog a son pôc o trop compromitûts cui bêçs de Regjon, de Provincie e dai Comuns. Cheste e je la situzion de culture in Friûl. Che di bessole no va di nissune bande. E chest al è il spieli di une parziâl libertât di tante culture (no stoi fevelant dal so libri che no lu ài let). Dal sigûr la KappaVu tai agns de "ministrazion Antonaz" e à lavorât une vore. Aie vût o no finanziaments de sô bande politiche (PdRC)? Viodarìn se e lavorarà cussì ancje sot de "ministrazion Molinaro". Cualchi giornâl nostran al podarès fâ une ricercje in mert. Ma no crôt che le fasarà. Pensait ai bêçs che cualchi nestri amì "blogarìn" al à tetât lavorant a dizionaris, libris, ricercjiis, cors di lenghe e vie indevant. O a lis tantis associazions di culture che si poin su chest o chel grop e partît. Su mo, siore! Al sarès biel vivi intun Friûl plui libar. Ma cussì nol è. E no dome in Friûl.

Pal #57 anonim eh? Pôre di jessi cuerelât ;-) ?
Jo o sai dacuardi cun diviersis des robis che al dîs DS.
Dut il discors sul fat che spes il fevelâ di chestis robis e devente une scuse par no jessi bogns di fâ alc di verementri propositîf al è une robe di pensâi ben parsore.
Però il discors di criticâ il libri cence vêlu let no mi cunvinç par nuie, e no soi nancje tant cunvint dal fat che un libri nol ledi scrit.
Viodude la discussion jo il libri mi lu larai a comprâ e lu learai.

Mi pâr che cumò la robe si è sclaride e al cun lis solitis esagjerazions di cui a son specializâts i furlaniscj. O ringrazi Ds pe precisazion e par lis scusis, che i fan onôr. Il motîf dal fal al si podeve zà intuî te "forme dubitative" che lui al à metût, ma in maniere no clare. Tai coments si scrîf a la svuelte e dispes si fasin fraintindiments, cumò sclarîts.

Pal anonimo #57: cui che al lavore tal cjamp de culture al à par fuarce di vê a ce fâ cul public. E magari al fos nome tal cjamp de culture...
Mi samee lui l'ingenuo (o forsit l'intenzion e jere une atre).

Par DS

Scusis acetadis. Amîs come prime.

mandi
Roberta

O soi contente dal sclariment. E o ringrazi Ds pes scusis. Al è vêr che cualchi volte si dismentee di jessi in internet dulà che ducj a puedin lei: robe che dovarès jessi tignude plui prisint. E une insinuazion e puès deventâ une fat reâl.

I libris vendûts in librerie a son ducj publicâts cui bêçs des cjasis editoriis. E cuant un libri al à un contribût public lu si cjate scrit intes primis pagjinis dal libri: al è un oblic di leç. Vonde viergji il libri e controlâ.

Un libri, cualsisei libri, al è simpri une robe impuartante. Parcè denigrâlu cence nancje vêlu vût in man? O fasarìn ancje altris presentazion dal libri e o speri che ancje DS al cjati il timp par jessi almancun in une. La sô presince e sarà une vore preseade. E al podarà fâ dutis lis domandis che al crôt.

Roberta

Tòl la culture a un popul e il popul al'è muart.
Par fa culture a vuelino bês? Clâr che sì.
Ma a vuel ancje une fuarte identitât.
I furlans no àn nì une fuarte identitât nì bês (ju dan a "vicini/lontani", manifestasion che za a Padiâr nissun al sa ca esist e ca no incît un boro sul teritori ).
Sino destinâs a sparì?

#62 "vicino lontano" al cjape bêçs publics? Nooo? Ma dai? Ma alore no NOME chei che si ocupin di culture furlane "a son pôc o trop compromitûts cui bêçs de Regjon, de Provincie e dai Comuns." come che al dîs il siorut moralizadôr anonim #57. No starês cumò a disimi che amcje eStoria e magari PordenoneLegge (par par condicio metìn une par provincie furlane) a son manifestazions fatis cui bêçs publics???!!!???
Ve ce che si scuvierç, e puare Roberta che e je cussì ingjenue: ce mont signôr, ce mont!

#57,
cheste volte mi ven voie di fâ une ecezion e di tratâti pardabon a peraulatis, ma bon, o provi di stratignîmi.
Ma o disarai lis robis cemût che a stan.
1) Tu sês un ignorant: cjale la produzion de KappaVu e tu puedis viodi che a son agnorums che e lavore sul furlan e che cu la aministrazion Antonaz no à fat ni plui ni mancul di prime. La realtât e je che e à publicât robis bielis cun cualsisei aministrazion. Ti daial tant fastidi? Salacor in plui che ignorant tu sês ancje invidiôs.
2) Tu sês un ipocrit: in chescj agns o ai lavorât cun dizionaris, gramatichis, traduzions e v.i.: lavorât, no "tetât". Tetino ancje i operaris che a lavorin pes stradis par vie di un apalt public? Tetino ancje i insegnants de scuele o i dipendents publics, magari precaris, che a fasin ben il lôr lavôr? Chel al è il pont fâ ben o no lis robis: sigûr che e je int che sul furlan e lavore mâl, ma e je ancje int che e lavore ben, a fâ chês gjeneralizazions tu vâs cuintri ducj, ancjemò une volte dome par invidie e furstrazions. Va dal psicolic o dal psichiatre.
3) Tu sês un viliac: firme, e no stâ a vê pôre di cuerelis, baste che tu scrivis lis robis cuntune forme decente o furbe e nissun ti pues cuerelâ, ma la sostance e reste indecente, ignorante, invidiose e viliache. Vergogniti.

Sandri Carrozzo

PS: se ti dîs di firmâti nol è par cirîti e dâti jù cul racli, al è parcè che o soi sigûr che tu sês ancje tu di chei che a "tetin", dome che no tu sês bon di lavorâ e alore tu "tetis" mancul di altris.

Sandri

brâf Sandri, cussì tu âs sistemât puar #57: chei discôrs aì ju fasevin za Luca Nazzi e Riccardo Urban. Mai ch'al seti un di chei doi...
S'a no si firme 57, 'lore nencje jo.

i ieri assent da cualche timp su chst blog ca mi sameave diventat un poc autoriferenzial ma cheste de vignezie- giulie un passag inportant uno,, se no vulin che il libri al coli tal oblio fazeit subit un film o une piece di teatri se il libri a lu lei domo il 000.un par cent in teatri o al cine al rivara a plui int e i media lecacui del gazzetin e fessagjer avaran di ricensilu

mior il libri de la kercevan che monadis a la gatti ca la vint un premi domo parce ca le del gruppo espresso

68, ecco un altri stupit cal no sa nancje di cal cjacare

67 SI CAPIS BENISSIM CHE TU SOS EL LOGORROIC... ASSENT DA CUALCHE TIMP? MAGARI

Ma vualtris che si ITindeis:

Volpe Pasini si scirvial cul tratin - o cence?

:-DDDD

plui coments culì che no su bora.la... però là a son finîts a fevelâ di istrie e vie indevant

...e chi si barufe jenfri furlans: ustu meti? ;-)

Finalmentri ancje Sandri al dîs che bisugne firmâsi...
o speri che il gno e il so esempli al sedi sevuît di ducj chei che a crodin a ce ch'a disin.
Nissun ti cuerele #57!
No stâ vê pôre!
Almancul dimostre di vê lis balis! Cun cierte int chi dentri (mi riferìs ai anonims inrobeâts cuintri dal mont che no ju capìs:-)) a coventin plui chees che no 'l çurviel. Purtrop. :-(

P.S. Dut câs la Vignesie Julie esist.
Come part di une regjon aministrative, come regjon gjeografiche, come alps juliis, come "julians", come "cjaulûc julian", come "int julie" (mût di dîs ante ma propi ante ante fassist)... come associazione giuliani nel mondo, come regjon storiche nassude no cumò ma tal 1863... par decision di un vecju ebreu gurizan fî dal Friûl, di 4 furlaniscj da l'epoche... e dal borcmestri di GO...

Cuant che e jere int serie in friûl, il tiermin VG nol escludeve chel di Friûl e viceversa! Naturalmentri sedi TS che UD cheste robe no le àn capide... parceche no si studie la storie regjonâl a SCUELE! SU CHEST O VIN DI DISCUTI! Chest o vin di rinfaçâi a l'Italie! No la doprade plui o mancul corete di un tiermin a fins espansionisctics! Ancje il tiermin Friûl al jere doprât a fins espansionistics... ancje chel di Karantanija pai nestris vicins, ancje chel di Serenissima par chei altris vicins e di Reich par chei altris ancjemò! Ducj i tiermins a SON DOPRÂTS come ofese s'a si 'ûl... m

Chei che a àn scrit chel libri antitalian a si compuartin come se tal 800 d.C. par esempli cualchidun al ves dineât la storicitât dal tiermin FRIÛL nome parceche nassût come nom di regjon uns 150 agns prin.
I comuniscj e i antitalians a volaressin ancjemò gambiâ e controlâ la storie... lassìnju crodi... e lassìnju sperâ di tornâ a contâ alc in parlament.
Cumò gjoldeisi la vancance!

Mandi.
Max Verdini

A ecco al mancjave dome Max Verdini....

Mi pâr une biele diference tra un non storic -Friûl - che al à 15 secui e che al è il non di une regjon storiche e gjeografiche e un non inventât di plante fûr par dimostrâ il dirit de Italia di espandisi a est.

E lassê stâ categoriis come comunist o antiitalian. No sin ne chel ne chel: o vin fate dome une ricercje storiche une vore documentade e se i risultâts no di pochin.....no je cause nestre!

Roberta

Max,
o tornìn a dîsi chê e simpri chê.
Prove pense: parcè UD e TS no àn capît che la Vignesie Julie e esist e e je un ben e une robe naturâl se a son dentri in cheste fantomatiche regjon? Al è come se Rome o Milan no capissin che il Lazi e la Lombardie a son robis naturâls...
Se no lu capissin al è parcè che al è un concet inaturâl e imponût di fûr cuintri dai interès di chenti (sedi furlans, che triestins, che slovens, che istrians e v.i.).
Piçul esempli: se la Venezia Giulia e esist, par plasê puedistu segnâle te mape e dîmi cun clarece parcè che tu i metis un ciert confin e no un altri? Dopo domandii di fâlu a cualsisei altre persone ben istruide di gjeografie e tu viodarâs che e à gruessis dificoltâts par vie che propit al mancje il criteri di individuazion de Venezia Giulia: l'unic che al esist e che al è simpri esistût al è "tutto il territorio che l'Italia vuole o riesce a sottrarre agli slavi e ai crucchi". Cun cheste base vive la Venezia Giulia e vive la Europe!

Sandri.

incredibil ma vêr, vuê sul piçul te pagjine di agenda gorizia: recita in friulano degli alunni gradiscani, su cuatri colonis e foto, alla sala bergamas il spetacul contis, zucs e cjants protagoniscj i arlêfs dal istitût comprensîf Della Torre di Gardiscje, si precise tal articul che i arlêfs a frecuentin l'ormai consolidât cors di lenghe e culture furlane e che il numar al è in aument!!!
isa

74- El non Padania al esistial?
Sa doprin el stes criteri pe individuâle ca tu usis tu pe VG 'o vin ce ridi.
J

Di fat mi ven di ridi o di vaî ancje cu la Padanie, e par altri a son stadis un grum di barufis bielis gruessis tra diviers leghiscj (tancj ex leghiscj, aromai) furlans, che a àn une cierte idee di Friûl, e i leghiscj padans che invezit a vuelin une biele Padanie unide: si viôt che la mentalitât e je restade compagne di chê dai piemontês e dai lombarts che a àn fate la Italie (e dopo si son metûts a fâ i talians).

Sandri

PS: di un pont di viste linguistic la Padanie e varès une base comune dal romagnûl al piemontês, il venit al è masse intalianât, il furlan al è un altri mont. Te Ete di Mieç e varès ancje podût formâsi une sorte di "lenghe padane", ma la robe e je abortide.

Sandri, va ben che tu pensis simpri ae lenghe :-D, ma soredut la Padanie no c'entre cul Friûl geograficamentri

(la Pianura padana o Val padana indica propriamente una regione geografica dell'Italia settentrionale che coincide con il bacino idrografico del fiume Po, nelle regioni Piemonte, Lombardia, Emilia-Romagna e Veneto comprendendo anche una piccola parte del Canton Ticino).

PS: Ce bisugne vino di discuti la no esistence de Vignesie Julie, a bastin lis "provis" di Verdini, ah ah ah!

domande a sandri.

e l'ocitanie esistie?
se o frontin i parametris de definizion confinarie, o scugni ameti che no esist viodude la labilitât jenfri i stâts.

e alore, par coretece, dinein il concet di ocitanie.

chel che mancje e che dal imprin o ài contestade e je la ideologjzazion che puarte a une ignorance de realtât.
no par nuje il libri si intitule venezia giulia REGIONE mai nata.

di nissune bande, infatis, a je registrade la Vingesie julie tant che regjon ma friûl vignesie julie.

alore.
parcé sandri pol mermetisi di zujâ cu la realtât biel che chei che a puartin indenat la realtât a vegnin contestâs?

idiosingrasie "inteletuâl"!!!!

ds

Ds,
ma lavoritu cualche volte?

Scrivi sul blog IL FURLANIST, robis cussì cussì, stiçant dut e ducj, tirant a ciment su ducj, ise la tô ricreazion?

Di sig­ûr no tu sês da­ûr a fâ tant biele figure. Ma content tu....

El Friûl al esist. A è une descrission dai confins fate in timps no suspies. A esitin cjarte gjeografiches. A è esistude/esist une "Patrie dal Friûl", la me "heimat". La patrie talie di cuant îse? (mi disin fie di n.n.). Al'è pui di 1000 ains ca esistin i "furlani" (e i taliani di cuant?).
La padanie, l'ocitanie.....sperin ca sedin lôr a sberdeà el glimùc, par me ce ca fasin cjase lôr al va ben.
La vg mi interesse, ma l'àn metude in cjese e no ài voe di vêle....cuintri nissun, ma in favôr di no stes (Turoldo).

biel libri da manda a ducj i politics furlans di stanze atriest

nr. 84
Podino domandâti un to coment sul libri, viodût che o pensi tu lu vedis let o almancul v­ût in man?

DS,
scuse ma o ai di jessi strac e ancje se o torni a lei no rivi a capî un dret di ce che tu âs scrit in 81.
Spietant la iluminazion mi declari in cunvigne cun 83.

Sandri

L'Occitania (in occitano Occitània) è una precisa zona territoriale dell'Europa e un'isola linguistica e geografica che la definisce e caratterizza.

Tale entità - caso emblematico di nazione-non nazione o, secondo taluni autori, nazione proibita[1] (ovvero esistente come realtà che va al di là degli stati legalmente costituiti che il suo territorio attraversa) comprende il sud della Francia (fino al confine del Massiccio Centrale), parte della Spagna (Valle d'Aran e zone circoscritte della Catalogna) e, in Italia, parte delle valli occitane del Piemonte a ridosso delle Alpi Cozie e delle Alpi Marittime.

Cert che se un par visâsi di esisti al à di continuâ a scrivi monadis sul Furlanist...

Ds, ma no âstu alc di miôr di fâ?
Contenton di stiçâ simpri?

Ma! Ognidun si divertis a m­ût so...

Il 15 di Jugn o fasìn a Aquilee une gnove presentazion dal libri.

Se cualchidun de Basse al à plasê di cognossi il libri e fâ domandis....

Roberta

dedicât a sandri che nol capìss (e salacor i j torne comut no fâlu)

esistial gjeograficamentri il friûl?
jo o disaréss di nô considerât che il friûl storic al é plui larc dal friûl teritorial dai furlaniscj che al é difarent di chel dai furlans che al é difarent dal friûl aministrâtif che al é difarent de percezion di un di pordenon che al é difarent de percezion di un di gurize che al é difarent de percezion di un cjargnel (in tancj a àn votât al referat pe cjargne no friûl, visinsi...) che al é difarent di ce che pense un di udin e v.i.

il friûl tant che la vignesie julie a son convenzions acetadis e di acetâ su plans difarents si no no si capisaréss parcé che un san michiel al jentre in friûl par resons storichis-linguistichis (e no, par esempli, un trevîs o la val rosandra che a à tant di furlan te toponomastiche) e un sauris par reson storic-aministrativis (e no par esempli regensburg).

il post 87 al é esemplâr de confusion ta gjeneralizazion di tiermins gjeografics che no son plui acetâts nenacje dai ocitans (a seonde dal tipo di ocitans)

co no si cjate un ecuilibri aes robis a si finìs a trabascjâ sul ses dai agnui parcé no si à nuje altri ce dî.
e chest eculibri al é simpri alc di pulitic.

che poi, se no si ûl doprâ il tiermin vignesie julie e no si pol doprâ il tiermin triest (masse limitant) ce dal ostie o clamarino che zone a est dal friûl: kunsterland? piana-adria? zona b? hic sunt leones? grant friûl?...


ds

ps: se no us plâs l'esempli de ocitanie us fâs chel de glesie.
la extrateritorialitât gjuridiche de glesie dal vuestri paîs valie ancje par chei che no crodin? discugnusint l'entitât superiôr di fonde de glesie, un no crodint al ae di acetâ il stât dal vatican o ancje il colonât dal bernini al é alc di inventât?

Ds.....tu sês delirant.....ti àno dade la citadinanze triestine?

Mi pâr propri di SI!

O speri che Sandri no ti rispuindi.

Cemût si puedial rispuindi a macacadis compagnis?
Âstu mangjât fasui prime di lâ a durmî îr sere? Durmît mâl, vere?

orpo: o dismenteavi.

storicamentri il tiarmin friûl al à tant de vignesie julie: imparie di chel e je une denominazion di convenzion cjapade su dal particolâr e no dal universâl (un marcjât la prime, diferenziazion lenghistiche la seconde).

dutis e dôs a àn tant che base la gens Julia... (ogni comment...)

dutis e dôs a àn pierdude part dal lôr teritori (gruaro vs. istrie);

anzit: la vignesie julie e je chê che nus à salvât dal finî clamâts Venezia propria (o Euganea): no fos stât par chest scorporo dal 1947, il friûl nol esistarés.

cun buine pâs di chei che a dinein la vignesie julie.
(e studiâ pardabon la storie co si ûl faj riferiment a ducj i coscj?)

ds

bon, bon
continue pûr a dâ i numârs dibessol....

Mi displâs deludi 91, ma o rispuint a DS.
Cualsisei "entitât" gjeografiche, ma si podarès slargjâ si intune vore di altris cjamps par jentrâ intun discors che al è propit psicolinguistic, al è il risultât di une individuazion che di fat no je obietive. E su chel o sin in cunvigne.
Ma meti sul stes plan Friûl e Venezia Giulia in ogni câs nol sta sù: il tiermin Friûl, cun dutis lis variazions de storie, che a valin par cualsisei teritori, regjon o patrie e v.i. e cu lis variazions di rapresentazion ideâl ancje sincronichis, al segne un concet di lungje durade, che in graciis di une tradizion lungje e avonde lineâr al prodûs une identificazion, che e sedi gjeografiche, culturâl, linguistiche, storiche, enogastronomiche e v.i. (e naturalmentri, compagn che par dutis lis definizions di cheste sorte, chescj cjamps tantis voltis no colin perfets un dentri di chel altri).
Il tiermin Venezia Giulia invezit al è une creazion studiade in maniere artificiâl, par vie che, propit cemût che i disevi a Max Verdini, l'unic concet che al esist e che al è simpri esistût di Venezia Giulia al è "tutto il territorio che l'Italia vuole o riesce a sottrarre agli slavi e ai crucchi". Come a lui ti domandi a ti di dissegnâle, cheste Venezia Giulia, e di verificâ cun personis che tu consideris studiadis, se a son in stât o no di dissegnâle e se lu fasin intune maniere che plui o mancul i somee ae tô: o crôt che tu cjatarâs dificoltâts une vore plui gruessis che no tal dissegnâ il Friûl. Cun di plui la Venezia Giulia no dome come concet no si è stabilizade e fissade tal imagjinari coletîf cuntun disvilup condividût sincorinic e diacronic, ma propit pe sô funzion imperialiste e espansioniste si refude di jessi definide: plui inventât e inesistent di cussì!
Su ce non che o vin di dâi a ce che a Est dai Friûl: no un non, se no sin nazionaliscj talians, ma plui nons, e chei di simpri, cence inventâju... Cragn, Cjars, Istrie e v.i.
Sul fat che la Venezia Giulia e à salvât il Friûl di clamâsi Venezia Propria o Euganea, su la afermazion che il Friûl nancje nol esistarès se nol fos merit de Venezia Giulia tal 1947 e su la acuse a chei che a àn scrit il libri di no vê studiade la storie prime di scrivilie, beh: tache tu a dâ il bon esempli di fâ lis robis cul ordin just e fâs il plasê di lei il libri prime di acusâ.
Mandi.

Sandri

Chel mone di Valvason e cheiâtis che àn piardût timp a descrivi el Friûl, sa l' êre ds ai lôr timps ju meteve a puest e ju sputanave di sigûr.
E la province ca va a pandi un libri cun tant di descrissions di ce cal'è Friûl? Tocje dì a Ellero e Bergamin cal clami ds come consulent cussi a evitin libris ca costin e disin nome monadis.
L'espression gjeografiche Friûl 'o vin di clamale "tiere dai clargnêi" come ca la clamavin i romans nomo ds.
J

Regionali in Valle d'Aosta: vincono le forze autonomiste
Terminato lo spoglioSi è concluso lo spoglio delle 150 sezioni della Valle d'Aosta per il rinnovo dei vertici regionali. Non si andrà al ballottaggio. Il risultato premia la coalizione delle forze autonomiste: Union Valdotaine, Federation Autonomiste e Stella Alpina.

Conquistando 17 consiglieri su 35 nell'assemblea regionale l'Union Valdotaine ha confermato dunque l'egemonia politica in Valle d'Aosta. Un successo completato dai 4 consiglieri conquistati dalla Stella Alpina e dai 2 della Federation Autonomiste, che fanno parte della coalizione 'centro-autonomista' già al governo nella piccola regione alpina.

Il voto ha denotato una lieve crescita del Pdl (passato da 3 a 4 consiglieri), che non è però riuscito a sfruttare l'onda lunga del voto nazionale, e un netto calo delle sinistre: il Pd ha avuto 3 consiglieri (ne aveva 4) e l'Arcobaleno non è riuscito a raggiungere il quorum (aveva 3 consiglieri).

I movimenti di Renouveau Valdotain e Vallee d'Aoste Vive - nati da una costola di dissidenti dell'Union Valdotaine - sono riusciti infine a conquistare 5 seggi.

p.s. Val'd Aosta regione inventata.

Mancut tratins e plui concretece.!

Biele rispueste Sandri!

pal 97

VdA regjon inventade? pol stai.
difatis a son stadis lis tratativis cu la france che la àn creade tal dopovuere (problemis di cunfins e di contrôl dai passaçs dopo l'agression italiane, o crôt). no par nuje la lenghe di minorance e je la francese no il patois (franc provenzâl).
e no par nuie cualchi politolic (corriere della sera di dîs dîs indaûr? no mi impensi...) al à proviodude la sô disparizion a pro dal piemont jenfri il 2015 tant che conseguence de union europeane e dal federalisim italian. cussì no...
e no par nuje altris realtâs tant che il marchesât di saluzzo che al à cetantis carataristichis similârs ma la "sventure" di fevelâ nome ocitan tant che lenghe di minorance, nol é regjon autonime.

par sandri

la realtât no si la fâs nome cu la storie ma al é alc che si vîf proiezion, eventualmentri, di rapuarts storics passâs.

in chest câs la vignesie julie che e à almancul 61 agns (ancje se bielzà testade a la fin dal '800) al à i siei dirits modulâts ancje su culture (magris e co.), enogastronomie (teran e co.), storics (austrie-ongjarie e co.) e vie indenant.
cun cunfins stabilîts bielzà tal '47 ancje se mitûts dibot in discussion.

par chest no learai chest libri: parcé che lu consideri une basolade pregjudiziâl bielzà tal titul (e confermade dai intervents su chest blog) che va a cantìn cuntune evidente superficialitât e incapacitât di frontâ la realtât che no nus puarte di nissune bande si no a sglonfâ l'ego di une intelighenzie che no sta fasint i interéss dal friûl.
fat chest bielzà marcât tal gno prin post.

e che a mi fâs cjatâ in part d'acuardi cul post 57.
un esempli?
îr o ài definitivamentri scancelât dal gnò menu l'indiriz dal dizionari di lenghe 2000 no dome pe so evidente inutilitât e mancjance di praticitât ma ancje parcé che o ài scuviert che la sô sole gestion nus coste cualchi decine di miârs di euros al an.
robe che io no consideri un tetâ ma un scandul cuintri la lenghe furlane.

ds

Brâf DS. Cumò o vin biel che capît cui che tu tu âs daû­r.
Luca Nazzi e compagnie? Sbalio? E o vin biel che capît parcè che tu sês da­ûr a fâ polemiche: strumentâl ae tô piçule clape.

Fuarce Friûl! E ten d­ûr ancje se i piês nemîs a son in Friûl.

Grazie DS
par vê doprât il to timp par scrivi ben 14 coments par fânus savê che chest libri nol val nuie e che al è di butâ ites scovaçis: e cence vêlu nancje cjapât in man! Compliments!

Grazie ancjemò di cûr.
Roberta

grazie a 100 e a 101 pes monadis ditis.

pal 100: daûr di me e je dome l'ombrene e di di e cul soreli in face.

pal 101: il di al si intive dal so cricâ...

ds

ds,
se tu ti disnotis dal dizionari dal CFL2000 tu sês brut e trist. Uffi!
E cumò lassimi in pâs che o voi a zuiâ di balutis...

Sandri

"in face"? Ma no si disial "in muse"?

Mi sa che tu scugnis tornâ a notati al dizionari bilingâl.....
Ancje pes peraulis di famee...

Si pues dî ancje "in face", tal sens di "devant", ma ds al reste brut e trist e o soi tant rabiât cun lui. :-D
Mandi.

Sandri

104, al steve mancut a di che al veve un ombrene daur.... ;-)