Us met chi la recension jessude sul setemanâl IL FRIULI dai 11/04/2008

Che la propagande nazionalistiche e vedi vût il compit di creâ une cussience di “talianitât” pandint concets e ideis che a devin une clâf di leture di part dai fats e dai aveniments al è un dât che plui e plui voltis si à vût maniere di viodi dilunc de storie. Ma cheste analisi, ancje se e je dade par buine par regjims lontans tal timp e te gjeografie, inmò no je tant difondude par chel che al rivuarde il nestri teritori o chei dongje di nô.
Par rindi justizie a une realtât che e merte veretât e no proclamis sbandierâts in non di un idee centralistiche e talianone che e veve (e e à inmò in dì di vuê) chê di imponi une omologazion cence rispiets de pluralitât culturâl tipiche di cheste aree di Europe, al ven fûr “Venezia Giulia, la regione inventata”, edizions Kappa Vu 2008, par cure di Roberta Michieli e Giuliano Zelco.
“Il confin orientâl di Italie, che vuê al corispuint al teritori de Regjon Friûl – Vignesie Julie” e dîs Alessandra Kersevan, editore e autore de introduzion “Perchè questo libro” - e je inmò te mentalitât e tal imagjinari dai talians alc di dificil di capî”. Cheste mancjance di cognossince no je dade dal nivel di istruzion, ma di ingjerencis extrascolastichis “al rapresente un probleme no dome di nature culturâl, ma politic” e continue la Kersevan “la cognossince distuarte e cjate la fonde te mitologjie (par esempli chel de “romanitât”) invezit che su la documentazion e su la riflession”.
Si presentin ancje cualis che a podaressin jessi lis conseguencis di une ricercje e analisi obietive de storie di un teritori pardabon pôc cognossût: savê che chest confin si è mot plui voltis bande soreli jevât tai ultins 2 secui, cjapant dentri culturis e lenghis difarentis, al metarès in discussion tantis “sigurecis”, massime chê che e viôt il talian come chel che al puarte la civiltât.
“La cognossince de gjeografie storiche di chest confin” e continue la Kersevan “e oblearès oms politics, storics e condutôrs televisîfs a bandonâ chel ategjament vitimistic che a àn cuant che a fevelin di “tieris pierdudis”, riferintsi a la Vignesie Julie e a la Dalmazie o cuant che a fasin, par comoditât, tacâ la storie dal 1945, dant spiegazions etnichis e duncje razistis (colpe dai “slâfs”, o piês, dai “slavocomuniscj”) a fats che a àn spiegazions storichis politichis e sociâls”.
Come che si lei intune note di Enzo Collotti, storic che tal 2007 al comentà cussì la zornade dal Ricuart fissade ai 10 di Fevrâr par leç de passade maiorance di centridrete, no cence responsabilitâts dal centriçampe, “I paladins dal gnûf patriotisim fondât sul vitimisim des foibis a fasaressin ben a tornâ a leisi i proposits dai lôr paris tutelârs, chei che a fevelavin di superioritât de civiltât e de raze italiche, che a viodevin un nemì in ogni forest... Ce sano dai ultranazionaliscj talians che tal lôr odi antislâf a faserin cunvigne cui naziscj insediâts tal Litorâl adriatic, sul sfont de Risiere di S. Sabba e dai picjâts di vie Ghega?” (nol è di dismenteâsi che il teritori de nestre regjon dal 1943 fintremai al 1945 al jere za colât sot de aministrazion direte dal III Reich nazist: Adriatiches Kustenland, il Litorâl adriatic, come che al è ben metût in evidence di une cjartute gjeografiche a pagjine 43, n.d.r.).
Za des primis pagjinis duncje no mancjin lis acusis, che tai cjapitui seguitîfs a furnissin elements e argomentazions fondadis su ricercjis e documents.
Il libri si divît in cuatri parts che a cjapin dentri i contribûts dai 11 autôrs: Giorgio Banchig, Alessandro Carrozzo, Adrian Cescje, Licio De Clara, Alessandra Kersevan, Roberta Michieli, Carli Pup, Piero Purini, Donato Toffoli, Sandi Volk e Giuliano Zelco.
Il prin cjapitul al fevele de Vignesie Julie fint al 1954 passant de politiche espansionistiche dal fassisim, ai censiments de popolazion tra lis 2 vueris mondiâls, a la analisi dal patrimoni linguistic dal teritori de Vignesie Julie, a conferme de ricjece e pluralitât de cheste aree.
Il secont cjapitul al fâs un confront tra il Friûl e i teritoris dongje, cuntun viaç dilunc de storie di 25 secui tra cjartis gjeografichis, riferiments a la storie dai riviei furlans sot dal domini di Vignesie e un contribût dal titul “Questi Slavi bisogna eliminarli”.
La tierce part e fevele de nassite de Regjon Autonome Friûl -Vignesie Julie e di chel “tratut di masse”. Po dopo si ricuarde l'unic moviment indipendentis mai vût te nestre regjon, chel triestin, e lis posizions dal Moviment Friûl su la Vignesie Julie.
Il libri si siere cuntun cjapitul dedicât al “non” Vignesie Julie e al so ûs tal marketing vitivinicul, te scuele e la testemoneance in ricuart di une rifugjade nassude a Cjaudistrie tal 1893 e rivade a Udin tal 1950. Chest ultin intervent al à chê di cirî di recuperâ lis masse pagjinis sbregadis de storie e dâ cussì un contribût diret no condizionât de propagande “Par agns i rifugjâts istrians a son stâts menâts pal nâs: “l'Istria tornerà italiana” e diseve la drete, inmò fassiste, dal Msi di Giorgio Almirante... Ma la Italie e à pierdût la vuere e la Istrie e je e e restarà teritori sloven e cravuat. Lu àn simpri savût, dai timps dal Memorandum di Londre. Bausârs!” e je la denuncie firmade dal nevôt di Antonia, ultime istriane derubade de sô identitât.

La recension su IL FRIULI , e je di Christian.

Grazie Christian!

intant a triest a si son acaparats lis cjadreis del poder iodin se balaman come cal diz al sara plui OPEN MIND DI CHEL mumie tukammamon tesini

allore il caplug regjional ale in venezie gulie a mi ven un dubbi triest sent in venezie giulie no poz essi capluf ancje dal friul si podares fa une denuncie sul plan internazional mi spiegi mior lor a insistin simpi ca son zulians e distint ma a no rinuncin al toc furlan del teritorri par puare di perdi il poder politic e economic basta fa un referemdun al rovescio noi friulanni riconosciamo la venezia giulia solo se voi ne fatte una regione autonoma a se ma chest ae un ate sorie il gjlinar politic furlan diestre cjampe ancjemo une volte al fazares vale il ideologjic sul il concret e logic di la i sclavs a son diventats plui americans dei americans cun casino reality show bingos e multinazional francesis e todescjias

intant solit tram-tram te politiche regjional indovinait cun ce lenghe fotannin a la presentat il so gnuf conseil provincial tu a tu cul gjiornalist de rai in talian il stess ca lu interviste l ati volte ieir

un biel libri ma cumo vino i collions di metti sul plat politic ancje la separation de regjion in doi o ese ancjemo tabu e la cjampe ese madure par fa chest o vino di sinti sinpi cae colpe dei ciriani-ciani boys la veritat che la dos bandis a no vullin pierdi une fette del eletorat il cato comunista catofascista inpera

6, semplicementi no tu puedis fa dos regjons parcechè une regjon a ha di ve almancul un milion di abitans, e cumò a rome son daur a pensà di taja spesis...provincis...no sigur regjons in pui...al'è già tant se no cirin di fanus venits...

nr.7...ce monadis scrivitu?
Ma sâstu il numâr di abitants de regjon Val d'Aoste e de regjon Molise?

E lis dôs provinciis di Trent e Bolzan? Provinciis autonomis...

Va a verificâ su Wikipedia prime di sbarâ cazadis...

IL NUOVO - 9 di Mai 2008 -
pagjine 23 - rubriche OPINIONI -

Letare firmade da Remo Brunetti - Cavazzo

Titul: STEFANEL AL E' BABIO

Test:

"Stefano Stefanel al è babio. No si contente di ripeti ce che a dìsin ducj, ma al vûl lâ dibessôl a cirî di cjatâ une sô veretât spulginant tai fats che setemane dopo setemane a sucedin in cheste regjon. E tantis voltis nus sbultre a puartâ la nestre atenzion su cuestions che se a prin colp nus someavin cagneris, a cjalâlis ben, si palesin in dute la ôr impuartance. Il taramot des ultimis elezions al è stât cussì fuart, che par cuatri o cinc dîs, tanc, pur capint ce che al ere sucedût, si danàvin no rivant a capî il parcè. Vuei, ancje in gracie dai rasonaments di Stefanel, lu savìn ce che al è sucedût.Il probleme al è che une veretât comude si le acete e fieste. Ma une veretât discomude si fâs plui fature a acetâle. E une veretât discomude a è che Illy i siei votos ju a cjapâts, ancje plui di chealtre volte. Al è stât il centriçampe a pierdi votos. E no par colpe de leç sul furlan, che anzit, tancj gjenitôrs, maestris e professôrs, a àn votât contents di veile.No secont me, se le aministrazion Illy a è lade sui stecs, la colpe a è ancje di chei DS che dismenteâts i interes dai operaris a pensàvin dome a cori ator a imponi a dute la societât regjonâl i desideris des associazions dai industriâi: eletrodots, gassificatôrs, cassis di espansion, TAV, autostradis, e cementificis. Alore i operaris e lis lôr fameis, stufs di jessi rapresentâts di cheste gjenie di pipinots, a àn votât leghe.Tondo al è lât su dome cui votos da leghe.
No soi content che cheste regjon a vegni aministrade dai fassiscj e dai oms di Berlusconi. Ma chei dal partît democratic a àn di imparâ che no si cjape votos cu lis grandis oparis, ma cui grancj ideâi.
Tornant a la leç sul furlan, che secont Stefanel a savoltares le organizazion dai studis, ricuardinsi che 'o fevelin di une ore par setemane. I nestris cusins ladins che a son a stâ ancje lôr in tune regjon a statût speciâl, an fàsin plui di dôs par setemane, e nissun dirigjent di scuele, o partît, o sindacât, si è mai insumiât di dî alc cuintri.
Vait a viodi se no è vere."
-------------------

Brâf Remo!

#8 la costituzion, fatis buinis lis regjions decidudis, e dîs che GNOVIS regjions si puedin fa nome a condizion che UNE des dos e vedi un milion di abitants.
Tal câs dal FVJ, il Friûl al à sui 960.ooo abitants, ma cul mandament di Puart al rivarès a 1.024.000.
Curiositât: se no fali al è in spiete di judizi ae Cort Costituzionâl il referendum su la separazion de Romagne da la Emilie.

ai vidut il film su carnera di martinelli, un toc al'è ambientat a gurize...il trafilet al dis Gorizia- venezia giulia...e no domo une volte
po a fasin viodi lis diferenzis tra la femine di carnera, giulane rafinade, e i genitors di lui...contadins furlans peciotars e sporcs ca mangjn la minestre fasint un concerton sbrufs e tachin a segnasì e cjapà pore apene ca sintin cjantà une civuìte

Udin al conte simpri di mancul: leieit l'intervent di Tellia sul MV di vuè

A mi Tellia no mi plâs...

nr. 11 o ai sintût ancje jô la storie de Romagne che e domande di dividisi de Emilie. Ma mi pâr che no si vedi ancjemò nuie a livel istutuzionâl. Dome une racuelte di firmis.

No mi va di fâi propagande a di nissun ma chest comunicât de pop di Cividât mi pâr che al dedi une sperance che ancje tal mont de economie si movi alc di interessant. Sperìn dome che cu la scuse dal furlan no supin ancjemò di plui il sanc de int!

L'assemblea ordinaria dei Soci della Banca Popolare di Cividale Scpa è stata convocata per domenica 11 maggio 2008, alle ore 9,30 presso il Centro San Francesco di Cividale del Friuli per l’approvazione del bilancio 2007. Agli azionisti sarà distribuita la pubblicazione del documento contabile che contiene pure il “codice etico” varato dal consiglio di amministrazione in cui sono richiamati “i valori fondamentali e i criteri-guida” che ispirano l’attività del gruppo bancario friulano. Il sistema creditizio ha manifestato negli anni recenti punti di criticità da cui la banca cividalese è sempre stata immune e il codice etico intende ribadire i principi di trasparenza e correttezza a cui si è sempre uniformata la sua azione in sintonia con lo spirito originario del credito popolare. E’ significativo che la pubblicazione del codice nella bozza del bilancio sia stata fatta sia in italiano che in friulano.

un poc di frice

http://it.youtube.com/watch?v=Jyu9PvUInxU&feature=related

16 se no sbali el president de bancje di cividat (e no sbali) al e un ciert Pelizzo.

Cognostu?

La Bancje di Cividât e je chê che o ai il cont. Fevelant di etiche, timp indaûr i vevi domandât di fâmi viodi ce invistiments etics che a vevin par vie che no volevi che i miei bêçs a lessin a judâ criminâi che a distruzin il mont: tal pachet plui etic che mi àn proponût a jerin Finmeccanica cu lis sôs bielis fabrichis di armis cjasis farmaceutichis che a fasin i brevets e a lassin che mieze Afriche e mueri di AIDS...
Se mal scrivin par furlan miôr, ma te pratiche o soi lât a meti i bêçs li che o sai che no fasin dam, e il cont lu lassi viert dome pal indispensabil.

19 el probleme al e plui gjeeric, etiche e beçs no vadin masse a bracèt...

#20 si pues fâ alc parcè che e vadin plui d'acuardi, però... tipo #19 che al si è informât.